Isang kakaibang pagsusulat ang ipinamalas ng mga
kamay at prosa sa pagsusulat ni Lualhati Bautista. Isinulat niya ang mga
kuwento sa loob ng ‘Gapo – isang kahariang itinayo ng mga Amerikano sa lupa ng
kanyang mga inaalipin.
Ang aklat na ‘Gapố ay isang nobelang isinulat ni
Lualhati Bautista na tumatalakay sa problemang nababalot sa mga base militar ng
mga Amerikano dito sa Pilipinas. Ilan sa mga kasama rito ang diskriminasyon ng
mga Amerikano sa Pilipino, pag-aalipusta sa mga Pilipina ng mga puti, at maging
ang kawalang-bahala ng mga Pinoy o mas tamang sabihin na gobyernong Pilipino sa
mga nangyayari sa lugar ng mga base militar.
