Kinabukasan, kumalat ang balita
tungkol sa mga ilaw na nakita sa libingan ng nakaraang gabi. Ayon sa mga kasapi
ng kapatiran ni San Francisco, may dalawampu na kandila na sinindihan. Kahit na
malayo ang bahay sa libingan, sinabi ni Hermana Sepa na naririnig niya ang mga
panaghoy at paghikbi. Sa pulpito, binigyang-diin ng pari sa kanyang sermon ang
tungkol sa mga kaluluwa sa purgatoryo.
Napansin nina Don Filipo at
Pilosopong Tasyo ang mga usapang ito at kanilang napagmasdan ang paghihina ng
kalusugan ng isa't isa. Nagbanggit si Don Filipo na tinanggap na ng Alkade ang
kanyang pagbibitiw sa tungkulin. Ngunit hindi mapakali si Tandang Asyo dahil sa
paniniwala niya na hindi tama at hindi napapanahon ang pagbibitiw ng Don sa
kanyang tungkulin.
Ipinaliwanag ni Tandang Asyo na sa
panahon ng digmaan, dapat manatili ang liderato sa mga matatanda. Dagdag pa
niya, iba na ang kalagayan ng bayan ngayon kumpara sa dalawampung taon na ang
nakalilipas. Napansin na ang mga epekto ng pagdating ng mga Europeo sa
Pilipinas, at ang pag-aaral ng mga kabataan sa Europa ay nagdulot din ng mga
pagbabago sa kanilang pananaw sa mundo.
Ipinunto rin ni Pilosopong Tasyo na
sa mga nag-aaral sa Europa, nabibigyan sila ng malawak na kaalaman sa
kasaysayan, matematika, agham, wika, at iba pang mga larangan ng kaalaman na
itinuturing na "enerhiya." Ang mga tao ay nagkakaroon na rin ng
kakayahan na pamahalaan ang malawak na mundo na kanilang ginagalawan at
tinatahanan. Sa larangan ng panitikan, lumitaw na rin ang mga makata na
nagpapahayag ng kalayaan at mga makabagong pagsusuri. Hindi na rin kaya ng
kumbento na pigilan ang paglaganap ng mga modernong kabihasnan.
Nagkaroon ng iba't ibang palitan ng
mga kuro-kuro ang dalawa tungkol sa bayan at sa kahihinatnan nito, sa
relihiyon, sa mga ugali ng mga kabataan at ng mga naglilingkod sa simbahan. Sa
huli, tinanong ni Don Filipo si Pilosopong Tasyo kung kailangan niya ng gamot
dahil napansin niyang mahina na ito. Sinabi ni Pilosopong Tasyo na hindi na
kailangan ng gamot ang mga taong malapit nang mamatay, at sa halip ay ang mga
maiiwan ang mangangailangan nito.