Nagdaos ng matamlay na misa si Padre Salvi sa araw na iyon, habang abala ang mga matatanda sa nalalapit na pista sa kanilang bayan. Nag-aabang sila na makausap ang pari upang malaman kung sino sa mga pari ang magmimisa - si Padre Damaso, si Padre Martin, o ang koordinator.
Sa kasalukuyan, pinag-uusapan ng mga
matatanda ang pagbili ng indulhensya para sa kaligtasan ng mga namatay na
kaanak na patuloy na nagdurusa sa purgatoryo. Sinasabing ang isang indulhensya
ay katumbas ng mahigit isang libong taon na kaligtasan mula sa purgatoryo.
Sa gitna ng kanilang mga kuro-kuro,
hindi nila namalayan ang pagdating ni Sisa. Nagdala siya ng handog para sa mga
pari - mga sariwang gulay mula sa kanyang mga tanim at paboritong pakô ng kura.
Ngunit hindi siya pinansin ng mga
sakristan at mga tauhan ng kumbento nang pumasok siya sa kusina ng kumbento
upang iayos ang kanyang mga dala-dalahan. Nakausap niya ang tagaluto doon at
nalaman niyang maysakit ang pari at hindi niya ito makakausap.
Nagulat din siya nang malaman na ang
kanyang anak na si Crispin ay tumakas kasama ni Basilio matapos magnakaw ng
dalawang onsa. Alam na raw ito ng mga gwardiya sibil at papunta na ang mga ito
sa kanilang bahay upang hulihin ang mga bata.
Tinuya rin niya si Sisa dahil hindi
daw niya tinuruan ng kabutihang asal ang kanyang mga anak at nagmana raw ang
mga ito sa kanyang walang silbing asawa.