Nagpamisa si Kapitan Tiyago sa Mahal
na Birhen sa Antipolo, Birhen del Rosario, at sa Birhen del Carmen dahil sa
kaligayahan na hindi siya hinuli o natanong ng pamahalaan dahil sa kanyang
pagkakasangkot sa mga pangyayari. Samantalang si Kapitan Tinong, na inimbitahan
ng pamahalaan, ay nagkasakit at naging malubha ang kalagayan. Hindi na siya
nakalabas ng bahay dahil sa takot na mabati ng mga pilibustero.
Sa bahay ni Kapitan Tiyago, dumating
sina Linares at ang mag-asawang de Espadaña, na itinuturing na mga
makapamahalaan. Nag-usap ang mga ito tungkol sa kasal nina Maria at Linares, at
napagkasunduan na magpapapista si Kapitan Tiyago.
Ngunit sa kabila ng kaligayahan ng
mga panauhin, si Maria Clara ay malungkot dahil sa kasal na ipinaplano para sa
kanya kay Linares. Tinuring siya ng iba na tanga dahil sa kayamanan lang daw
ang habol ni Linares. May nagsabi rin na marunong si Maria sa buhay dahil sa
kasunduang ipapapatay si Ibarra na naging unang katipan niya. Ngunit nagpaalam
na si Tinyente Guevarra na hindi bibitayin si Ibarra, kundi ipapatapon lamang.
Nakita ni Maria Clara ang bangkang
dumaong sa may sadsaran ng kanilang bahay, at doon niya natagpuan sina Elias at
Ibarra. Itinakas pala ni Elias si Ibarra upang ipahayag ang kanyang damdamin
kay Maria at bigyan ng laya ang kasintahan sa kanilang kasunduan. Ipinaalam ni
Maria kay Ibarra na napilitan lamang siyang talikuran ang kanilang pag-iibigan
dahil sa mga taong nasa paligid niya, ngunit si Ibarra lamang ang totoong mahal
niya.
Naghayag ng mga damdamin ang dalawa
sa isa't isa, at nagyakapan at naghalikan sila. Pagkatapos nito, si Elias ay
yumukod sa harap ni Maria Clara, at sumakay sila sa bangka upang umalis.